وجهة نظر ! - محمد جارالله السهلي

مرات احس القصيد بدم شرياني
يضخّه القلب لين يقوله لساني

واني كتبت الغريب الراقي النادر
وانه خلاصة علوم الفكر الانساني

ومرات احسّه شي لا يمكن آصله
وان الصحافه مجرد مدح مجاني

واني ليا من قريت ( لعافت ) و ( مدغم )
زهدت فيما كتبت وشابت الحاني

لكّن واللي خلقني غير عن غيري
إني أحبّه واعده ثالث اخواني

لذا يا شعّار جيل ( الكل متمكن )
والكل مبدع و متميز و فناني

أخذو حقيقة مشاعر شاعر ٍ منكم
وجهة نظر والصراحه نبض قيفاني

المسأله كلها فكره وقافيّه
وأبيات مسموعه من فلان و فلاني

نفس العتب و الغزل واللي قبل افضل
ونفس الفخر و اطيّب العربان عرباني

نقول شي ٍ يقوله غيرنا لكن
الفرق بالحبكه و توقيت الازماني

يعني بلاش انتظاهر ( بالأنا ) واجد
ما فيه ( ابو الطيب ) ولابه ( لويحاني )

ماني بعمم ولكن اغلب الاغلب
مستشعر مهايطي خلقه وقوماني

لو انه يعاتب الرعبوبه الحلوه
يقول ياطيب ابوي وطيب جداني

ومدام هذي حقيقة وضعنا الراهن
يمكن مع الوقت رب البيت يبلاني

فإن كان شفتوا اهياطي يا جماهيري
تجاهلوا كل اشرطتي و ديواني

خلوني احس في قيمة تواجدكم
واتعب على ذوقكم كان الله احياني

لكم عليّ اقلب الدنيا على شانه
والي عليكم تحبونه على شاني

وعلى العموم الغريب احساسي الليله
ماهوب باحساسي ان فارقت شيباني

عوايدي لا تركت ديار ( اخو مريم )
أشعر بضيقه واحس الشوق أضناني

لكني اليوم كني جالس فبيتي
مابين ربعي و خلاني و صدقاني

فيا أما الكويت موجوده هنا معنا
يا أما دار الخفوق ديار ابن ثاني

أحبّها من قبل لاجيها واموت بها
واحسّها غييير في فكري ووجداني

واللي مزوّد غلاها شعبها كنه
يعطّر الارض كمبودي وريحاني

من كثر ماهو ودود و سمح و يقدّر
ماكني بضيف كن الشعب ضيفاني

والدار تبارك الرحمن ما شالله
دره وفيها الجمال اشكال والواني

هنا التطور صحيح بكلبوا حاجه
رياضي و فكري و فني و عمراني

الله يبيض وجيه شيوخ ديرتكم
يشهد لهم قاصي العربان والداني

في ضل قايد مسيرتكم ابو مشعل
و عياله و عزوته ذربين الايماني

امجادكم ما هي بسهله و حي الله
لا والله الا بحد السيف شاماني

ويكفيكم من المآثر موقف الخفجي
يوم الجموع اتداحم فعلكم باني

وعمار يا ديرة التاريخ والطيبه
في ضل شيخك ( حمد ) وامجاد ابن ثاني