( ارتبك .. ارتكب .. ابتكر ) ! - محمد جارالله السهلي
يا عمر ما ينسي كود الردي
ولا انا لا مت يبقالي ذكر ..
عارفٍ قدري وما مدت يدي
وما يضيع الحق عند اهل الفكر ..
وان نسوا شعري عوافي يا سندي
شوف كم شعر ٍ قبل شعري نكر ..
يكفي اني قد كتبته بجهدي
ولا كسبته بالتلاعب والمكر ..
اكتبه بـ ( سهيل ) ويغار ( الجدي )
وان نخيته ما فزع صوبي عكر ..
شفني باولها وانا دربي مدي
استحقيت الثنا فوق الشكر ..
يحتويني حزن والبيت يعدي
ارتبك .. ثم ارتكب .. ثم ابتكر !!
حسبي الله يا العذاب السرمدي
ليه في قلبي تشيخ وتحتكر ..
الغريب انك معي من مولدي
كل ما فريت.. طعناتك تكر ..
لين قمت اقول ذا الحزن اجودي
حر ٍ لطيبه غدى قلبي ( وكر ) ..
يا عمر لو شفت بالعين سعدي
السعاده
كيف اقول ان ضحكة السن ولدي
والفرح في داخل اعماقي ( بكر ) !
يا عمر والله لو حظي ردي
يكفي بشرواك يبقالي ذكر ..