ياعل عدٍ نزل خلي على بيره - مرشد البذال

ياعل عدٍ نزل خلي على بيره
يسقيه من مدلهم النو هتافي

يا خذله أيام سايلهٍ عثاميره
واللي يشوف المحاجر نقعها صافي

لينن عقب الحيا تنعم نواويره
يصير مشتا ومرباعٍ ومصيافي

اظن في قرب خلي ياملا خيره
والا التفاريق منها القلب يلافي

اخاف من ساعه ٍ تقرش مظاهيره
أن خايلوا من بروق الوسم كشافي

اروح في ديره والزين في ديره
والرود من بيننا ماعاد ينشافي

لو اطمع انه يعزيني هوى غيره
ماكان حاتيت فرقا زين الوصافي

دورت عذرى نباها كنها الشيره
مانيب غادي وانا مع سبعه اسلافي

لا شك بيني وبين صويحبي سيره
ليا أقفا خذ القلب مني نابي الاردافي

ثمن ركز في محل القلب بندوره
كتب على نشرهاسلالك الخافي

خلا ضميري مثل عش ٍ نزع طيره
لولا غروق الجبل حول به السافي