عز الكويت - نهى نبيل

وقف كل الزمن لحظة وضاعت حسبة الأزمان
ظلام(ن)حالك(ن)أسود ذبح هالكون بسكاته

هنا صمت(ن)حزين(ن) في عيون رجال(ن)ونسوان
وطفل(ن) ذابت عيونه وشيخ(ن) هل عبراته

فقد نبض الوطن شيخ(ن) عزيز وعالي(ن) بالشان
يسطر هالزمن إسمه بنور(ن) فوق صفحاته

تنكس هالعلم يبكي حبيبه وانكسر ذبلان
وظل دسمان يتساءل عن اللي شب شمعاته

تيتم هالشعب بعدك وذاق الهم والحرمان
يكيف يطل به صبح(ن) وعينك انت ماجاته؟

عيون(ن) كم بكت لجل الكويت ودمعها نيران
وصرنا اليوم نبكيها يا شيخ العز وكلماته

حبيب القلب ياجابر ياشيخ الطيب والإحسان
وسط قلبك تربعنا وذبنا بدم نبضاته

رحلت وكلنا نصرخ نناديلك ياأعز انسان
أبونا من عمر عشنا نعلي فوق راياته

من اللي علم العالم يحب ومايبي عرفان؟
من اللي ذاب به شعبه بلا زيف(ن) لحاجاته ؟

من اللي من بعد عينه تموت وتدمي القيفان
ولاتقدر توصلله عذاب القلب وآهاته

كأن الشعر ياجابر بعدك انت انكسر وانهان
بعد ذاك الخبر عنك تخلت عنه أبياته

أبدمنساك ياشيخ(ن) نشيلك وسط هالوجدان
وشعبك حافظك يدعي لسموك كل أوقاته

لأنك انت من علم عيالك نزعة الإيمان
بترحل عننا جسم(ن) وروحك تسكن بذاته

فمان الله ياعز الكويت ودرة الأوطان
فمان الله جعل الله يسكنك وسط جناته