زيارة عصفور - خلف العبدالله
جابوا فطوري وضافني الصبح عصفور
قام يتنطط والوجل في عيونه
قلت اقلط افطر قال شكرا ومسرور
حرك جناحه واسترابت ظنونه
ابعد يلقط في حذر خبز منثور
وعينه عليه خايف اني اخونه
قلت ايه ... حقك تبعد بخوف مذعور
وحقك ابن آدم تبتعد عن شؤونه
قال اسمحلي بالخلا الرزق موفور
شفتك وحيد وجيت اقدم معونه
آمر!! تراني حاكم بعشرة طيور
شتريد منهم بالعجل يحضرونه
قلت اشهد انك جاني مانت عصفور
تعزف على اوتار نفس محزونه
ياطير مايخفاك عايش بديجور
ليت الوضع لصويحبي تشرحونه