عذرا غادتي - خلف العبدالله
سلام الله على ذيك الروابي
مرابع خيلنا وملعب أحبابي
فياضٍ تشعب القلب بنفلها
يغذيها الحيا ورجع السحابي
وأنا في غربتي نفسي تشدني
وتعود بي إلى ذيك الهضابي
كل ماهامت الروح بهواها
ذكرت أيام ماقبل الشبابي
غذا روحي نسايمها العليله
وأسراب القطا تملا الشعابي
ولاعب خاطري ذكرى حبيبه
تعاتبني على طول الغيابي
وأنا كلما ذكرت عيون خلي
تهل دموع عيني بانسكابي
وكل مارف جفني باختلاجه
قلت الشوق رف جفنه وحكابي
يقولون حلفت من يوم علمي
عن التبسام كل فترة غيابي
وكلما ينذكر اسمك حبيبي
خذاني الشوق والهاجس سرابي
عذرا غادتي إن ظرفي حداني
وحظي باع فيني واشترابي
وختاما لك ملايين التحايا
وعبارات الهوى تطرز كتابي
وسلام الله على خشف ٍ أحبه
وسلام الله على ذيك الروابي