ياسايل ٍ عني - خلف العبدالله
ياسايل ٍعني تراها سهالات
دام الكريم مثبت العقل والدين
مطنش وخل الناس تكتب مقالات
عندي ثقه بنفسي تعادل ملايين
ماهمني ناس أتألف روايات
لابديوم ٍيصلح الحال وتبين
ياناسيين إن المجالس أمانات
وان الكذب لو ينكشف يكسر العين
الشر بين الناس صاير هوايات
والنادر اللي بدل الشين بالزين
يازارع بجسم المسلمين نابات
يوم الحشر ترأف عليك الشياطين
لبعض البشر هيبه ووقار ومقامات
بس للأسف يظهر على الناس وجهين
وجه ٍرضي يرسم عليه ابتسامات
والوجه الأخر مايسر المسلمين
وبعض البشر من رابع المستحيلات
يرتاح قلبه وأهل بيته مريحين
مغرور عايش بالوهم والخيالات
وناسي حقيقة أوله وأخره طين
مادامت لقارون وأهل الحماقات
ماتذكرون إخبارهم يالمساكين
إسلام مانمشي بشرع الخواجات
ونلعن إبليس ونمتطي مركب الدين