اشتاق لك - خلف العبدالله
اشتاق لك وارجع من البعد وآتيك
والمشكلة إني اشتاق وأنت معايه
تدري إني احبك وأتمناك واغليك
وتدري بحبك ساكن ٍ بالحنايه
لاذي تحرك لي المشاعر ولاذيك
ماغيرك أرجى من جزيل العطايه
أحب طبعك واشتهي كل مافيك
وانما حصل لاماك شوفك كفايه
أسامحك وادمج خطاياك وأرضيك
همي رضاك وغايتي أنت ومنايه
ياسيدي لوحل اسمك وطاريك
نسيت جلاسي وتزايد عنايه
اطلب حياتي يااريش العين وأعطيك
ياشمس عمري ياهواي وهنايه
ياحلو همسات المحبه باشا فيك
في غيبتك سوت بعقلي سوايه
أتخيلك ساعات قربي وأناديك
وأحيان طيفك يرتسم بالمرايه
دوم اتنطر طارشٍ من محاريك
يروي عروقٍ يابساتٍ ظمايه
رغم البعد اطوي المسافات وآتيك
وليا وصلت اشتاق وأنت معايه