سيد المزايين - خلف العبدالله

ربي خلق فيها مزايا كثيره
وسبحان ربي ماخلق زيها اثنين

الطول فارع والشفايا مثيره
والخصر ناحل ياملا يخزي العين

النحر زاهي والنواهد صغيره
قطعة خزف ماتقل اصلها طين

ارخص بعمري لاجل ذيك الظفيره
مجدولةٍتسوى بعيني ملايين

ياناس عيني من سببها سهيره
واسأل الهي يثبت العقل والدين

اميرة ٍياحلوها من اميره
ماهي بشيخه بس هي شيخة الزين

لاعلن غلاها في قناة الجزيره
واطلق عليها اسم سيد المزايين

اللي عليها دموع عيني نثيره
رعبوبة ٍمدهالها اطراف حطين

اقسمت باللي عالم ٍ بالسريره
منساك ماغرد القمري على التين

ومابدلك لو ملكوني الجزيره
وكل آسيا وخيراتها لآخر الصين

ولو قطعوني بالسيوف الشطيره
ماتوب عن طرد الخشوف المثيرين

اليد تقصر والنواظر بصيره
واصبحت انا والشنفرى قاب قوسين