لاتقول اصبر - خلف العبدالله
نفسي نجلس ياحبيبي لو مره للعتاب
ودي اشرح لك وافسركل شي ٍتجهله
لوبدينا بكل صراحه ينفتح مليون باب
وتدري مابين الحبايب كل صعيب ٍمااسهله
ارقد وآمن حبيبي كل ماتطلب يجاب
انت بس أشر بعينك تنهي كل المسأله
صدق اني من افترقنا ساكن براسي اكتئاب
وداخلي هم ٍوشي طويق عيا يحمله
لاتقول اصبر صبرت وصارت البصره خراب
والصبر نفسه تعجب كيف انا متحمله
ليش مغتر بشبابك دام آخرتك تراب
ودام ربك ماترك حي ٍالا وجفف منهله
خلك بعيني كبير وسامي ٍ فوق السحاب
وخل غلاك اللي تخبره لاعدمته من غلا
والله اني خايف ٍترجع على طرد السراب
وتترك جروحك نوازف بصدري ياذي المشكله
من عرفنا العولمه صارت عواطفنا اهباب
معظم شباب الجيل لاهٍ والنسا مستفحله
ان كنت انا غلطان دلوني الصواب
واشرحوالي كل شي غاب عني واجهله
ليتنا نجلس حبيبي ونفتح ابواب العتاب
باب باب نخوض فيها ولآخرمرحله