وجه السراب - أحمد العلوي

هان الغلا واللي جرى ، ماهو ترى أمر(ن) قليل
والعين لامنها بكت ، تنزف جميع أسبابها

ربي جعل شرع الهوى ، مابين قاتل أو قتيل
حكمه سرت بين البشر ، ربي ترى أدرابها

جيت الغبي اللي تبع وجه السراب المستحيل
فيه إنولد حب العنود اللي كساه إعجابها

له زيّنت إحساسها ، لين إعتنق حلم(ن) جميل
حلم(ن) خذه مثل الرضيع اللي غفى ف أهدابها

والمشكله حلمه كبر مابين أوهام ودليل
ولمّا صحى ، صحصح على جرح(ن) نزف ف غيابها

راحت كذا ، حتى الوداع إستكثرته والرحيل
لخبط مفاهيم الوفا في مدرسة أحبابها

راحت وخلّت ه الغلا مجروح والخافق عليل
راحت وسدّت للأسف في وجه قلبي بابها

جازت شعوري بالجفا والصد ونكران الجميل
فجأه تخلّت عن غلاي وكشّرت أنيابها

في ه الزمن صار الوفا حاله مثل حال البخيل
حتى القلوب اللي وفت ، خانت شعور أصحابها

بنت(ن)خذتني للوهم في درب أوجاع(ن) طويل
بين الأماني والسراب ، أشكي برود أعصابها

لا قلت آسف ببتعد ، قالت أنا مابي بديل
ياتذبح القلب وتروح ، أو طيبتك أحيابها

وجيت الغبي اللي تبع وجه السراب المستحيل
فيه إنولد حب العنود اللي كساه إعجابها

والمشكله حلمه كبر مابين أوهام ودليل
لين إكتشف إنه صحى ، على عذاب غيابها