حبك الطاهر - أحمد العلوي
يامليك الحب والقلب السموح
قادني لك خافقي نار وضياع
جيت أودّع حبك الطاهر وأروح
المصيبه كيف أنا بقوى الوداع
خانني ه الوقت والحظ الشحوح
وضاق بي ه الكون رغم الإتساع
فوق إني مبتلي بعوق الجروح
إبتليت بنار فرقى وإنقطاع
يعتصرني الهم لين أبكي وأنوح
عايف(ن) نفسي وملتاع إلتياع
ياحبيب(ن) عشقي له عشق(ن) جموح
لو طلبني جيت له سمع(ن) وطاع
عاش فيني بين هوجاس وطموح
في حياتي كان لي نور وشعاع
في خفوقي حبي له شيّد صروح
ومرتفع قدره عن الناس إرتفاع
منهو غيره صاحب الوجه الصبوح
يعشقه إحساس قلبي بندفاع
لا ذكرته يجنح الخافق جنوح
والألم في داخلي سوّا صراع
أحترق ولهان..لكن كيف أبوح
ممتنع قلبي عن البوح إمتناع
له أنا بصبر ولو كلي جروح
والهوى غلاب والدنيا قناع
من عشقها مالقى فيها طموح
سار في صحرا هواها لين ضاع
ياحبيب(ن) عشقي له عشق(ن) جموح
قادني لك خافقي نار وضياع
جيت أودّع حبك الطاهر وأروح
المصيبه كيف أنا بقوى الوداع