معاناتي - أيوب السعدي
ألا يالقاطعة وينك تعالي قربي لي شوي
تعبت من السهر والعتمه اللي أظلمت دنياي
تعبت أحمل معاناتي علامه في كفوف يدي
إذا تعجز يدي اليسرى تناوب عنها يمناي
تعبت أروي لهم قصة حياتي في ربوع الحي
تعبت أحكي معاناتي مع اللي راح واللي جاي
تعب هذا العطش يبحث ويبحث ما كفاه المي
من اللي يجمع العطشان ما بين العطش والماي
زمن بعد وهجير وإنكسار الضي بين الضي
فراق وشوق يحرقني ودمع ما قواه بكاي
جروح بداخلي تشهد بداية عنفوان وكي
وجع والشوق واللهفه ونار تلتهب بحشاي
متى هالدنيا تجمعنا ونسهر في ربوع الفي
سوالف غشمره بسمه جميله مع كؤوس الشاي
غناوي لحظه ولحظه حنانك يلتوي بي لي
شعور الله يا ذاك الشعور وسالفة ممساي
أطير وأبهج العالم وحبك أنطوي له طي
سنا خدك سحر أتلف بداية علتي وخطاي
كفايه حلمنا الغامض حسافه ما نفعنا بشي
رجعت أحمل معاناتي علامه وانتظر مأواي