يا صاحبي سالم - سيف بن سليمان
يا صاحبي سالم يهو فيك وازع
اوعزت في صاحبك قلبه وعينه
قلبه يبات الليل يطري الموادع
والعين تذرف بين وقته وحينه
القلب فيني ماهدا، في تنازع
يمكن بعد ساعة يوقّف صنينه
ياصاحبي شوف الموادع تساجع
عقب الليالي والوصال و سنينه
وان جيتني ع الوصل يا خلّ راجع
وانّ الامل فِ القلب زايد حنينه
ان كنت مثلي فِ العشق لك مواجع
الله يشد بمهجتك ثم يعينه
صبرك على المحبوب، لا تْصير قاطع
وارْسل مِنَ حْروفك لقلبه رهينة
واعرف، ترا سهران، بايت، وساطع
من تلفونه علّ يسمع رنينه