شوفوا الجواب - سيف بن سليمان
في خاطري شيٍ من الوقت انْحبط
والعين تذرف دمعها لحظة حبوط
الشعْر ارسلني لقوله بالضَبط
القول ثبّط ولَّ اْنا ماني ثبوط
البارحة كانِ الْحَبل منّه ربط
اليوم حبل الوقت ع الرّقبةْ مْربوط
ودّي افصّح بالفصاحة والنّبط
ودّي احاكي اْهَل فصاحة والنّبوط
ودّي ولي ودٍّ من الودّ انْخبط
ودّي مِنَ الايّام ترفق بالخبوط
خبّطّ شِعري لين وزنه لي ضبط
وش هو مفاده دون له معنى مْضَبوط؟
ليش البيوتَ اطْنَابها ما تعتبط؟
وليشِ حِبٍّ للخوي اصْبح عبوط؟
ليش الرجل سعره ومعدنهِ انْهبط؟
ليش المراة تعشق قلوب الاخطبوط؟
ليش المشاعر للحبيبة ترتبط؟
وليش حبٍّ للعشيقة فالهبوط؟
ليش السؤال يعيد نفسه،مَ انْثبط؟
ليش الجواب يحير بالحلق مْثبوط؟
ليت العمر قفّا وقلبي ما لبط
ليت القصيدة مَ انتهت عقب اللبوط
حدٍّ خبر صقرٍ يخاوي فرخ بط؟
شوفوا الجواب، وعاودولي بالخبوط