طوّل غيابك - فهد بن سرور السعدي
من بعد كيفك وآخر علوم دنياك
وش حال قلب من ضلوعي خذيته
طوّل غيابك وادري العذر وياك
بس ما قويت الصمت لا ما قويته
يفداك عمر ماضي معك يفداك
والباقي من العمر ما قد دريته
يامل عين ودها بس تلقاك
يوامل خد من دموعي سقيته
ما تدري إني كثر ما جيب طرياك
أخاف لا أنسي ذكر ربي في بيته
لولاك ما طوقني الحب لولاك
وانهيت شي بالمحبة بديته
في لسان هذا صرت و (ف) عين هاذاك
ألفين حكي خلف ظهري رميته
ما همني غيرك ولا أشغلني إلاك
بس يا بعدهم قول شللي نويته
هو أنت مثلي منشغل فيني هناك
ولا أنت اسمي من حياتك محيته
وإن كنت ناسي كمل وعيش دنياك
بس هات قلب من ضلوعي خذيته