نسيت - ناصر الهاشمي
عذرك نسيت هو ناعس الطرف ينسى
المكر لو صم الحجر منه زالت
غلطان من يأمن للعيون نعسا
لا وعدت ثم أخلفت وإستحالت
لو عالتغلي خذ من البعد درسا
ولو عالصبر اكثر من الابل شالت
ولك مالهجر بحر وما بيه مرسى
لو خضبت ما لدمع عينك وسالت
يا راجي محصول من ارض خرسا
ما غير حدب الشوك ايديك نالت
واللال ما يروي من النبت غرسا
شوفه قريب وعنه دروب حالت
ولا تظن براق المزن ودق غطسا
لن شفت سحب الصيف برق استخالت
برض جفر ونبع المواريد يبسا
ما عاد ارجع لو اصواتك تعالت
لو في البكى امسيت واصبحت خنسا
شروى خلوج دوم حنت وخالت
ما همني لو قلت بجسى وتجسى
الجرح يبرى لو قنا الغدر طالت
يا قاري مكتوب نظمي بطرسا
بخير انا لو ظروف الايام مالت