قالت - ناصر الهاشمي

قالت يا خوفي تنتقد شي فيني
لا والذي صورك ما بنتقد شي

استاهل اللي يقول تصغر بعيني
لو عبت انا بالشمس يا مصدر الضي

يفداك كل اللي بقى من سنيني
يا هجعت الملتاع يا بارد الفي

وحسرتي على الذي مهتويني
ساعة يعاتبني ويومين يجفي

يا سعدي اللي طال وقته يجيني
وعيت مطاليعه من البعد تلفي

عزفتلي ما لهجر ناي حزيني
عزف التجافي والعنا والتغلي

لو كان يقدر عالمحبه فطيني
ما تاه بن لعبون وتعلق بمي

ولو الحظ رجال صرعته بيميني
من كثر ما عانيت من نحسته لي

هزمت انا كل المشاعر بعيني
ويلعن سنين الحب ما يهزمه شي

اذا نويت البعد صوت يبيني
واذا بغيت الوصل يتباعد شوي

ولو قلتله هاليوم تقدر تجيني
رد بتغلي وقال حلات ه الشي