ربى العين - ناصر الهاشمي
ريم صدفته في مسى يوم الاثنين
له نعسات شهل واهداب ظله
سلم وحيا وارسل العين للعين
واغضيت بالنظرة وانا مشفجله
له مبسم حالي ودر المثامين
وميدل حدر المتن مستهله
ولو اوصفه ماجزيت حق ولا دين
تخجل حروف الضاد ما تمتثله
يشكي من الرمضى ودورات لسنين
وادمى جروح خافية ومستعله
يرزقك ربي يا عسى قرة العين
وتهنى بدنيا زينها شوف طفله
يا الله عسى دار تربى بها الزين
نبت الخزامى يطيب فوعه وفله
ازكى السلام وبارد الريف تضمين
للي بوسط القلب شيد محله
وإعداد رمل من بديه الى العين
اطلب من المولى العلي يستجبله