المارد الموهوب - ناصر الهاشمي
ما صوغ حرف الشعر يا ليل يا عين
واحاكي الهيمان هجر وصالي
ما اقتبس حرفي ولا استقرضه دين
ايتوه شيطان الشعر لن صغالي
انظم قريض الحرف درٍ مثامين
مرصعٍ موزون صافي الحثالي
ابهره حشمه وصبه موازين
طاروق او مسحوب بحر الطوالي
الشعر ذوق احساس معنى مضامين
لا عن هاجوسه ترادف للآلي
الشعر بوح النفس لا عجزت العين
يثور بركانه ألن جاه صالي
الشعر سرج الشوق عند المحبين
الورد دربه والعفاف الظلالي
الشعر همس البوح بين المودين
اذا تناجت روح غالي وغالي
الشعر استنهاض هز الميادين
دارت رحى حربه اذا السيف جالي
الشعر لي من نال مدح النبيين
اعلى المراتب نالها عند والي
الشعر ما هو كثرة بالدواوين
المارد الموهوب ودقه ارتجالي
يجني رحيق الجوف دمع وشرايين
ومن تحت خصل الشعر ياخذ مثالي
ولو الشعر منهاج هجر المزايين
وما بعثرت سود الليالي الخوالي
كنا اكتفينا قول شكاية البين
ولا مديح الذم حصّاد مالي
يا عسر درب اللي بغى الشعر تزيين
مثل المجاوب ع السؤال ب سؤالي
يغطس بها في لجة الضاد حرفين
في بعدها غيث وبالقرب لالِ
يا ناشدي عن قلت الشعر تبيين
انا مقل الشعر لعطي مجالي