عادة الحب - ناصر الهاشمي
البارحة امسيت بالقلب هوجاس
هلت دموعي وحاير الفكر محزون
ريم صدفني شل عقلي والاحساس
ومن صدفته سهران والناس يمسون
بطرفة سجاني الهم صرف بلا قياس
الغزيل اللي بعده الحال في هون
يا ما لبعده شاربٍ مرة الكاس
يكفي مراره يا الغضي لا تزيدون
بايت سهير الطرف والحال منحاس
ضيقٍ ببالي والسبب فقد مضنون
ذكره لفاني كل ما هب نسناس
ولن زارني في النوم ناديت يا عون
يا عونك اللي في الحشى مشيد ساس
لك بالمحبه عهد باقي ومضمون
وليا ذكرتك جات اليدين بالراس
بسي عذاب يالغضي بس تكفون
لي صابني بسم الهوى زود عالناس
يكفي تعب وجراح لا لا تزيدون
وان كان هذه عادت الحب لا باس
راضين واللي تطلبه فوق لعيون