كوكب سهيل - ناصر الهاشمي
خبر فجعني وصابني بالغرابيل
في تالي مالليل جابوا اخباره
جالوا بديه ودعت كوكب سهيل
وما عاد يسطع في سماها شراره
نضحت دمع العين سيل مع السيل
يوم توكد خبر سيد الصقاره
تبكي بديه دوم عز الرجاجيل
جيدوم ربعه ما يحاتي الخساره
مدت يمينك حي ماهمها الويل
ومديتها يوم الوداع بفخاره
لك وحشة في موقف العيد بالحيل
يوم التقوا اهل الفخر والوقاره
لك وحشة ما بين ربع مذاهيل
كل تمنى لو يزف البشاره
رحلت ودمعي من فراقك هماليل
وخليتني اجرع كؤوس المراره
لكن مراد الله ما عنه تبديل
وكلنا لدرب الحق طوع –وكاره
على محمد ارضف الويل مالويل
يا الله عسى الجنه مقره وداره