أرض المعارض.. - حمد بن عبدالله بن حذيف النعيمي
قدامي الدانه ومن دوني جيان
وانا هنا بأرض المعارض مكاني
ان قلت لي ولهان بالعون ولهان
ومع الوله ياكثر ماني اعاني
اشتاق طول الوقت يانور الأعيان
ومالاق لي غيرك من الناس ثاني
لا تحسب ان الليل في غيبتك زان
حتى السهر بفلول خيله غزاني
يسيل في عيني من الشوق وديان
وان جيت بشرب ماه قلبي نهاني
بي نرجسية عشق يا عشق الأوطان
وانا مع بعض المواقف اناني
هذا علم داري مع كم عنوان
وهذا الجناح بكل شوق احتواني
وان كان تبغي زود شف حالي الآن
ماعاد يمدي عنه ينطق لساني