تمثالة - حمد بن عبدالله بن حذيف النعيمي

اليوم عدا وبكره بعده يعدي
وتمر الأيام والحاله هي الحاله

ماكان قصدي ولا كان الجفا ودي
لا شك فالي ومن يرفض هوى فاله

يطري وليفي وامني النفس واهدي
واصب كاس الوله في عين تمثاله

تنام عينه وعيني جرحت خدي
والقلب غنى على فرقاه مواله

اقول سالي وشوقي بيح بسدي
اواه صبري قوي العزم ما شاله

الأيام مرت وضيّع كثرها عدي
ياليل قل لي قليل الوصل وش حاله

ان جابه الحلم قلت اليوم من قدي
يا طيب ذيك الليالي يومي قباله

يطيح ذاك الشموخ ان كنت متحدي
نعم صدوده نسفني قو زلزاله

اليوم بان الخلل في جزره ومدي
واليوم عود جواده دون خياله

ادري به النحس حظي واقف ٍ ضدي
ومن خانه الحظ مارزه كثر ماله

لا يحسب القلب يومه صد بيصدي
وان غاب شخصه تفيأ طيحة ظلاله