جارية القصر - حمد بن عبدالله بن حذيف النعيمي
جيتك انا استسلام ولا اختياري
ولا بجنون العاطفه فيك مجبور
رجلي مشت لك في طريق انتحاري
ماعودت لو حال من دونك بحور
كم ليلةٍ خاويت الأفكار ساري
بدرب الظلام وشوفتك مطلع النور
وكم ليلةٍ فيها بدلالك تماري
وانا اشهد انك لو تدللت معذور
قلبٍ لمسته بجمر الأشواق واري
كل ماتذكر زاد به لاهب الفور
خذته وهو من كسوة الحب عاري
واصبح بحبك عن هوى الغير مستور
ماله مع الخفرات بايع وشاري
واجبر عيوني بصورتك تنظر الحور
اغليك فرق اللي هواهم تجاري
لاعاش قلبٍ باكثر المال مصخور
محدٍ اسر قلبي بليا قراري
الا هواك اصبحت انا فيه مأسور
غلاك سوى في حياتي مواري
فقير مال وسكّنه حبك قصور
رفعت حبك في حياتي شعاري
واصبحت به في عالم الحب منصور
من قبل احبك ما تعنّت افكاري
واليوم انا في بحر الأفكار مغمور
ومن قبل احبك ما سألت الصحاري
ليه المطر ينبت بها عشب وزهور
الحب قدم بالقصور الجواري
ويسمح بشيٍ في القوانين محظور
حبك عظيم وما حدٍ عنه داري
الا خفوقي ترجمه حس وشعور