لك حق تشره لو إني جيت ماجيتك - حمد بن فطيس
لاضاق صدري تذكّرتك وناديتك
استنشي ابيات شعرٍ منك باابياتي
لك حق تشره لو اني جيت ما جيتك
لاشك يامسندي تاتي ولا تاتي
في غيبتك لاحصل طاريك حييّتك
واحمّل الغربي الساري تحياتي
وقت المقانيص كله راح ما ريتك
ودوّجت لي دوجتٍ ما هي بمشهاتي
قمت اتصل بك يابو ماجد على بيتك
من عقب ضاقت (رضيّه)با اتصالاتي
قرمٍ تروم المراجل ذايعٍ صيتك
فيحاني الشعر ما شعرك ببياتي
ما شفت من خايعٍ قافر تمنيتك
انك معي حين شبّة ضو مضحاتي
شفتك توّجد على الماضي ولاحيتك
ياما على ما مضى طّوحت ونّاتي
ومن باقي اعلوم ما بالقلب حنيّتك
والا انت ما مسندي ذخري ومشكاتي
خاويتني والطريق ابيض وخاويتك
وانا لزومي مع مثلك وحاجاتي
وانكان تنشد عن الاحوال نابيتك
اصارع امواج دنياً موجها عاتي
دنياً خطا كلها ما بخافيتك
اما بها خلف والا الخلف في ذاتي