ياللي تسيرون وتجون - سعيد بن عبدالله المحرول النعيمي
عندما دخل الشاعر رحمه الله المستشفى , قال :
هنيكم ياللي تسيرون وتجون
ما انتو بمثلي مثرين السداحه
في حجرتي وراعي الناس بعيون
طال الطويل ولا وجد ت استراحه
ماكني الا مع اهل الحبس مسجون
قدله زمان مادرى وشجناحه
ياناس كفوا لو مكم لاتعذلون
مابي مرض عوق يبي له جراحه
بي من هدب عينه كما حد مسنون
ريمية في مجر هد البراحه
يوم الموده لي بها من وفنون
شربت من يم المراوي قراحه
وارميت يمو الناس للصيد يرمون
باللي بها رميي كثير الطياحه
واليم وجدي قل واصبحت
مرهون كني ولا طير كسير جناحه
الشيب غربلني غرابيل مديون
خلاني اصفق راحتي فوق راحه
لا تضرب المظماه في القيظ بشنون
ان كنت مني تستمع للنصاحه
الا على فرت به الظن مامون
يعجبك من عقب المساري صباحه
توايره صلحات واسبير بيلون
ودريول متمرن في نجاحه
لا جا نفود للتغاريس مضمون
كنه مع بيدا عليها ملاحه