مشراف الحزين - صالح آل مانعه

عسى الله يعتني بمشرفٍ قبل ظلام الليل
عليه وغابت الصفرة عصير وضاعت آماله

بدى المشراف قدله من صلاة الظهر بالدربيل
ولا حقق له الدربيل شيٍ دار في باله

تخيل وش شعوره يوم حول يلتفت ويخيل
العدٍ قد تواجه هو ومحبوبه على جاله

عفى الله عن عيونه يوم عود والدموع تسيل
يجاذب ونته ويدق زوره يابري حاله

غريمٍ والزمن خصمه ولا بالييد حل او حيل
ضعيفٍ جالبٍ همه عنى وقته وغرباله

مريضٍ طاوله وقته وخانه لين هد الحيل
وقفى جعلها قفايةٍ من دون قباله

ضمانٍ ينتظر دوره ومن حضه حصل تأجيل
وعود يجرح السانه لهاته والضمى فاله

صبورٍ يبني آماله ولاكن الزمان بخيل
حزينٍ تذرف عيونه دموعه كل ماجاله

بطاري صاحبه ناسٍ تسولف قصدها تأويل
تبين ماخفى للي جهل بالقيل والقاله

عبادٍ مانقضت واليا انقضت جى من بعدها جيل
على درب النميمه كل منهم جر مواله

سقى الله يوم انا اقصى طموحي في ركوب الخيل
وسقى الله يوم انا في جنب ابي واقلد افعاله

صغير وينشرح بالي ليا سويت دلة هيل
واسوي مثل ابي في شرب فنجاله ونزاله

ولا اعرف عن دروب العشق دربٍ مرجعه تعليل
ومشراف الحزين اجهل بمطلاعه وحواله

مريضٍ يامحمد وانتخيتك يوم ريت الويل
لحيثك عارفٍ ماقصدي انك ساليٍ داله

تراني يارفيقك في الزمن مابين عدل وميل
همومي ماحصل لي منصحن لجل اشتكيهاله

عسى الله مايسامح من نقل هرج القفى والقيل
وقطع حبل المواصل بيننا بت الله حباله

نقل له هرجةٍ والله ماتسوى عليه الشيل
لحسادي وحساده وعذالي وعذاله

ولاكن وش حصل وش ماحصل تبغالها تحليل
عن الجرح القديييم وقصة الي شرف لحاله

وعود يامحمد يوم خاب الظن في الدربيل
يجاذب ونته ويدق زوره يمكن اشوى له

تخيل وش شعوره يوم حول مقتفيه الليل
عصير وغابت الصفره عليه وضاعت آماله