رحلة أيامي - صدى الحرمان

تهاوت رحلة ايامي في ركن الخوف والحسره
وبديت اضعف مثل ظلي وارمي بالعمر خلفي

تصورت القدر حاجز زجاج من السهل كسره
ولكني جرحت اناملي حتى دمع طرفي

وعشت الياس والحيرة بشوق ينتظر بكره
ولا هان الامل عندي ونصفي مل من نصفي

يميني خانت حروفي وهانت عندها العشره
ومن يكتب لي اشعاري اذا ماخانني كفي

وهل ارتاح واحساس مجرد حلم او فكره
او احذف باقي اوراقي واودع فكري المنفي

تمنيت ارحل لعالم عليه الفاتحه تقرا
ورفض موتي يواجهني بوجه القادم المخفي

فهل شفتوا جسد ميت ورفض يستقبله قبره
انا هذي معاناتي واظن اللي مضى يكفي

ابترجى الزمن واحمل على كتفي عنا دهره
ماعادت فيني القوة على اقناعه يجي صفي

انا من يوم ميلادي مااحني راسي بالمره
ولكن ماتحملته عجز لايشمله وصفي

وانا اللي كنت بالاول عنيده قاسية حره
وبديت اضعف وانا اكره مجرد ضعفي لضعفي