مرثية العيد - صدى الحرمان
خضار
شوق العذارى دروب
فيها الألم مكتوب
وإن جفّت الدمعه ما جفّت الأشواق
ترجع مع الغروب تلغي زمن الفراق
يابوي ما عادت شمس العمر خضرا
وفي غيابك اشتاقت ورده أصبحت صفرا
أحتاج لأحضانك أحتاج لحنانك
ولكفك الدافي يعانق أكتافي
لكن قدر القلوب
ترحل وصمتي يذوب
وتتم ضحكاتك امعلقه في الجدار
تسأل علي الصغار تسأل تبي أخبار
وهم أنا أسأل يابوي شخبارك ؟
بعدنا في دارك
نسمع صدى صوتك مع روعة سكوتك
ونرفض بكل إصرار نقبل خبر موتك
وبعده الشقا فينا يتبع خطاوينا
والعيد صار أقرب
واشلون بنعيد ؟
وحتى نهار العيد صار الألم سيد
واحنا في أول عيد ومانته معي موجود
ياغربتي المره شربي دموعي ملح
من يطفي الجمره ويسهر لحد الصبح ؟
من يذكر العشره ويعاند النسيان ؟
ويللي رحلت اسمع
صرخة صدى الحرمان