أمّنا هند - محمد ابن الذيب
من طفرة الهاجس ومن قدحة الزند
بليت نفسي والزمان ابتلاني
جربت طعم المر ومجرب الغند
قنوع لكن العطا ماكفاني
خذت الحياه عناد واتعبني العند
كأن جررح شعوب الارض فكياني
فجعات اهل السند في ساحل السند
مثل البيوت المادره من لساني
وام الرجال اللي تحت امرها جند
اللي فضلها بعد ربي كساني
ياوقتي اسألها وان كان ماعندها عند
ام المكارم راي ثاني تراني
والله لا اسمي عليها تحت بند
ليتك مكثر منها يازماني
يارب تجعل هند مثل امنا هند
ارب هند اتجيب حمدان ثاني