طال انتحابك - محمد عبدالوهاب الفيحاني
يا قلب ياللي من عنا الحب مشفوف
مثلك يعذرونه حقيقة إلى خاف
ياقلب في تصليح الأحوال ما أشوف
لي في الهوى مصلح ولا أشوف لك شاف
ما أشوف لك في مسلك الغي مصروف
مافي سبيله لك ذكر حق وانصاف
مابه نصف حاشا ولا حق بالكوف
لوبه نصف ما خان بك وأنت له صاف
طال انتحابك عند الأطلال ووقوف
ترزم معك وجناك في المنزل الخاف
تلعي خلاوي في مفازات واتنوف
وتجيب ماجابت حمامات الأصياف
تعوي مع السرحان بالغاف وتحوف
برسوم دار بلقع وصف الاحقاف