حب الصغير - محمد عبدالوهاب الفيحاني
آه واويلاه من اللي مدبرين
ماخذين القلب مني ناهبين
حب الصغير خامر بي من سنين
والكبير العود لوعني عناه
رحوا وياي وصف ظاهرين
بالكرامه والوقار مسيرين
يوم قالوا بالسلام مودعين
آه منهم عز تالي آه آه
يوم قفوا سال من دمعي غروب
بلل من الصب ثوبٍ فوق ثوب
كلما كفيت صوبٍ سال صوب
لين قرح جفن عيني من بكاه
واشتعل باقصى الحشا واهي لهوب
مخطر القلب القوي منه يذوب
عن هوى المحبوب والله ما أتوب
لين جسمي يدفنونه في ثراه
لو جزى جفني الكرى في كل ليل
ساهر وانوح والعي بالعويل
واستوى حالي من الفرقى نحيل
مثل عودٍ يابسٍ ما احد سقاه
صار حبه في ضميري له مقيل
قلت لي من حل ما شد النزيل
يوم اصبح قال يابعد الرحيل
منزلي منك على طول الحياه
قلت ودي غير مالي بالفراق
ماعزا لو ربطوني بالوثاق
لا ورب العرش والسبع الطباق
ماخبر يوم به فوادي سلاه
بالصبر والصد اصحابي نسون
وبذكرهم في شرابي شرقون
ونهبوا مني فوادي وفرقون
واتركوني مثل غيري في عناه
شفت انا منهم عقب ماهم شقون
كنهم باقصى الضماير حرقون
والحقوني بالقنا ثم ازرقون
ليه ياربعي فعلكم ذا السواه
خافوا الله واحموني بالمروفه
وارفقوا باللي يهول من يشوفه
ناشف دمه وبعظامه نحوفه
ينكره من يعرفه لى من لقاه
ما حدٍ منهم سخالي بمعروفه
زارني لو مرة وهي مخلوفه