أقبلت - موسى الخليفي

أقبلت مثل العواصف والرعد
بين غيم الليل ونجومه سرت بي

أقبلت في عينها نجم السعد
تندفع بالشوق واشواقي غدت بي

حار دمع العين والحزن إبتعد
وإرسمت فرحه بعيني سافرت بي

فز قلبي من سكونه وإرتعد
في بحار الشوق روحي سمرت بي

غصت في جنه بها حبي قعد
وعند باب الحب رجلي وقفت بي

قلت له أرجوك تعطيني وعد
ما تروح اليوم من دنيا اعتنت بي

قال مطلوبك تحقق وش بعد
قلت بس يا قلب أمالي سعت بي

في رياض الورد ماأدري بحد
عن حياه الحزن روحي بعدت بي

وإنتهيت والخوف في قلبي جمد
والسما إللي فوق راسي غيمت بي

أثر حلم الليل في عيني شهد
أحلى ساعه والأحاسيس إلعبت بي