أحاسيس - موسى الخليفي
قالت لي صور حاله الحب تصوير
من عالم الأحزان هيا إنتزعني
حسسني بحساس أشوفه مع الغير
ذوقني طعم الحب صمتك وجعني
نعم أريد أحس وأشتاق وأطير
إحساسك البارد وصمتك منعني
يا ميت الإحساس أحتاج تحرير
أنقذني من قيد جماله خدعني
زلزل كياني فجر الشوق تفجير
دعني أموت بنار الأشواق دعني
لازم أغيّر صوره الحب تغيّير
طعم الصداقه ظرني ما نفعني
إللي في بالك أعتقد يوم بيصير
يا تشتريني أو للأحزان بعني
اللهفه إللي بي وكثر المشاوير
وشوقي وإحساسي وحبي دفعني
أنا احترق بالشوق وإنته خبر خير
لو أشتكي للصخر والله سمعني
حلل أحاسيسي وعطني تقارير
هذي العلاقه بذمتك ايش تعني