أمير - موسى الخليفي

أكسر حروف المفرده لو كنت مكسور الظهر
وأرسم ملامح للشعر في الثلج في عز الهجير

ما همني إن كنت فائز أو جوائز في الشعر
أحتاج تصفيق الجماعه حتى لو كنت الأخير

زلزلت معنى المعرفه غيّرت أشكال الصوّر
لون التفرد في حروفي يرفضه حجم الأثير

القاعده تقبل شذوذ الناس ويضيع الأثر
لكن حدود الفلسفه تصغر إذا جاها الخبير

ماني أمير الشعر ومقدر حتى أوصف هالقمر
لكن قدرت أملك حبيب وصرت في عينه أمير

الحب ما يقبل تسطح في العواطف والفكر
الحب نشوه جارفه تجتاز أعماق الضمير

لو باجتياز العاطفه حولت هالعالم ممر
كان إنت كنت الخارطه والبوصله وأشيا كثير

المعجزه يا صاحبي ماهيب مكياج وشعر
المعجزه إنك قدرت تواجه ألماس وحرير

جربت حنضل وإعترفت إن الهوى طعمه أمر
ماتبت عن درب الهوى لازلت في دربه أسير

يمكن أكون المعضله إللي تحدت هالبشر
بس أعترف إنه غلبني في الهوى طفل صغير