يا جنوب - زين شعيب
يا جنوب يا أغلى من الغالي
يا أرض خضرا يا جبل عالي
يا مقاومة عالضيم ما بتنام
عكل تلة مدفعك صالي
يا شعب صابر على الآلام
يا جروح ما بتروح من بالي
صخورك بوجه المعتدي أعلام
والسنديانة رماح قتالة
بإنجيل عيسى ومصحف الإسلام
جنوبك سياج وأرزك شمالي
جاهدت حتى تعبت الأيام
لكن إنت ما تعبت يا غالي
حتى اليتامى الفيك مش أيتام
هودي بقايا جروح سيّالة
حدودك سما وحبك صلاة وصيام
إنت خلقت إلنا الحما والعرض
نحن إلك يا جنوبنا الغالي..