بدايتك نهاية - إبراهيم ابو زيد
وكانت بداية حكايتك معايا
فصولها بتبدأ بكلمة نهاية
ومسرح هوانا ستارته الحزينة
بتنزل وتعلن نهاية البداية
***
بداية هوانا فى لحظة غروب
وكانت قلوبنا بتبدأ يادوب
كتبتك بحبك ..كتبتى بدوب
وفجأة لقيتك نهيتى الحكاية
رسمتى بقسوة طريق الهروب
وسبيتى دموعى تتم الرواية
***
كفايه كفايه دا قبل البدايه
شتاكى بيخنق نجومى فى سمايا
وشايف خريفك بيقطع ورودى
وفارد فى شوكه يجرّح خطايا
رواية غرامنا روايه حزينة
بايدى حنزّل ستارة النهاية