المماليك - محمد أسامة البهائي
الممالـيـك الممـالـيـك
الله يلعـن دوول ممالـيـك
اخدوا الفرخة وسابو الديـك
والوالـي حالـف مايديـك
تطلع تـدن فـوق المدنـة؟
ولا ترجـع يابنـي الديـك؟
*****
قولوا لسيدنـا الله يهديـك
مصر بلدنـا مـش تمليـك
الشعب بيلعن في المماليـك
دخلـوا القلعـة وبتكتيـك
بلوه ف بلوه وحوش بلاويك
دقت العز وخيرنـا ماليـك
يرمح ولدك تحـت عنيـك
واحنـا ولادنـا ماتعنـيـك
تكونش شطارتك هاتخليـك
الممالـيـك الممـالـيـك
الله يلعـن دوول ممالـيـك
اخدوا الفرخة وسابو الديـك
والوالـي حالـف مايديـك
تطلع تـدن فـوق المدنـة؟
ولا ترجـع يابنـي الديـك؟
*****
قولوا لسيدنا يتـم جمايلـه
يوقف ظلمه وظلم عمايلـه
يوفي بحق كلامـه وقايلـه
لجل ماشعبه يعـدل مايلـه
تصحا ضماير عوجه ومايله
وتبقي العيشة بسيطة وهايله
ولا فيش قلب بيدعي عليـك
الممالـيـك الممـالـيـك
الله يلعـن دوول ممالـيـك
اخدوا الفرخة وسابو الديـك
والوالـي حالـف مايديـك
تطلع تـدن فـوق المدنـة؟
ولا ترجـع يابنـي الديـك؟
*****
الممالـيـك الممـالـيـك
الله يلعـن دوول ممالـيـك
قفلـوا ابوابنـا والشبابيـك
وقفـوم حالنـا بالتلاكيـك
واتأخرنا كثيـر ف معادنـا
ويوم القلعة جانـا نجدنـا
بعد مانهبوا الخير يابلدنـا
دبحوا الفرخة ومات الديـك
دبحوا الفرخةومات الديـك
دبحوا الفرخة ومات الديـك
**********