أتوه في النول - محمد أسامة البهائي
شاعر
وتمنيت من صغري أقول
فــارس
وحصاني في رمحه مهول
صابر ياخواننا
وفي قلبي الصبر .. وبرضو بأقـول
الحق خالقني
بحق طبيعي ف كون معدول
ويامين يلايمني
وواجه جند مغول
ولأني ألاقي الحلم
يضيـع مني .. ومقتـول
مش ضامن بكره الجاي
من بعـد مانهبـوا الغـول
الأرض رويها بعمري
وعرقي زارعها دراع مفتـول
ملوالجرانين
تصدير بإدارة
وكله سطو علي المحصول
وعشقت الأرض
وأحب العشـق ف قلبي يطـول
وف قلبي محبة
وكلي محبه
وكره لكل كريه مسـطول
يحاسبني جنابه تحت المجهر
خطوة بخطوة وفعل وقول
ولما بيحتاجلي
يلاقينـي فـي الصـف
وف أول رول
وساعة ماأحتاجله
أحتارفي هروبه
ماهو بقي مسئول
وفقيـر
علي قـد ما إيدي ياخلق تطول
ماأكتمـش فـي قلبـي القهـر
وأتـوه فـي النول
يغزلني الحاكـم
وي الحاشيـه ومش معقول
أشـرب من مُر العيشـة وأقـول معسـول
والحق خالقنـي بحـق طبيعـي
ف كون معـدول
لو أخدوا حواسي الخمسة
وروحي برضـو هاأقول
....
دستور إيه ياعم ؟
اللي يعـلا علي دستـور السمـا
داللي مايشفش م الغربال
صحيح جاب لنفسه العمـا
وحطت عليه لعنات الجماد والنبات
ولعنات ملاييننا المعدمـه