الحلم - محمد أسامة البهائي

عشت فارد جناحى للسما
طالق لريحى الملهمه
كل عنان الحلم
للحقيقة والمسئله
غرقت في المهزله
الخطوة والعنقله
حاسبين عليا النفس
بالزاوية والمنقلة
وغصبن هاتقبل وإلا فلا
وقوعك في البلا
طاحونه ومنجله
تونس في روحك
تتحاصر بالخلا
حلم يحدف عليك الشوف
وهم يكتب عليك العما
جيت أعفأ بأيدى
على حروفى المغرمة
لقيت الجناح مكسور
ومعصور القلب مقهور
يهد فيا الحلم للنور
ينهج عليا الآسى
لحد الوعد والمكتوب
أصُبر وأصْبرْ فى نفسى
وأنا فى الأصل أيوب
الكلمة مالت ع البدن
لحاف م البرد بيدفى
ويصحى فى عز الليالى الشجن
توهب فى روحها وتوفى
قلبى العليل يميل عليها
يميــل ويصفى
كل العلايل والأنات
والتــوهه والغربـه
ويدوب فى غرامها الصافى ويصفى
لحد ماتنطق بالشهادة والميلاد
والحلم للعباد