ماحبناش - محمد أسامة البهائي
وصلت آخر شارع ف الوطن
مالقيتش ولا صريخ بن يومين ف الدروب
لا لقيت لا غالب ولا مغلوب
يكونش التاريخ مضروب؟
وكل بطولاتنا متفبركة؟؟
آآآآه يازمن المخلصين
فقدت روحك ليه
فقدت
روحـك
ليـــــــــه.؟
حبال الوصل متفرتكة
تحت لنضة الشارع
اللي كل ماتسرج محستكة
وساعات كتير يحدفها العيال بالطوب
زي حدفة الجهل ع المعطوب
وانا نفسي ألم ِِِِِِِِِِِِِِِحجري الطوب شعر
وأحدف قصايد زي حدفة المكتوب
الأمم اتحادها كان ع المندوب
لفيني لقمة وألحق المنهوب
العندليب مات يمكن
( ولا هارضي ابات مغلوب)
وبالغصب الحياة حاكمة
مليانه الضلوع والضلوع كاتمة
ماحبناش ومشينا الدروب عتمة
لا أتملكتنا بداية
ولا مالكين خاتمة
والشعر
ابن الهموم الطارحة ع البدن
ابن الدروب اللي تاهت في اللقا
ابن الضياع اللي شرد أفئــدة
وماأخدش حقه في انتصاره ع العدا
ومازال نزيفه نازز م الجروح
لا أرتاح لأحضان ولا هدا
وأنت اللي رايحه للعدا
تمدي أيدك بالسلام
نيابة عننا.
مين يقول لنا؟.
خدتي رأي مين مننا؟.
وأنت اللي عايشه بنبضنا
بنسري في عروقك والأوردة
وكل مين فينا بيعشق دا ، وده
ما كرهش إلا العدا
في مص الأوردة
وبرغم الدروب الُمـجهدة
ما حبيناش بالكره
وكرهنا في حبنا
يعني في النهايه
أيه
آخرة
حبنا