فم الجروح - بدر بن عبدالمحسن

فم الجروح ..
نوافذ البوح ..
هـذي الثقوب في الصارخ الحي ..
نوافير من ضي ..
وجدار ..
املاها بحديث النار ..
واكسرها على اقدام الاماني ..
مره أغاني ..
ومرها .. كلامٍٍ جارح ..
وهذا القصيد ..اللي كتبت البارح ..
اليوم .. انفاس الصباح ..
تلفح جروحي ..
آه .. ياصبحٍٍ لمحت في عتمته روحي ..
طفلةٍ تصدح على خشب المسارح ..
ياصوتها الغاضب المقطوع ..
بعض السواد .. شموع ..
ومحدٍ درى وش قلتي ..
خانتني الجوارح ..
مثل القصيد اللي كتبت البارح ..