الله عليها ! - خالد الفيصل
الله عليها عودت وانا احسب الغالي نسى
الله عليها لي بغت ما يطفي الشمس المسا
هلت سحابة وصلها على حياتي وازهرت
واهتز قلبي من نبات الحب زهرٍ واكتسى
يا وصلها الغالي هلا حييت ياعز الطلب
لا خير في قلبٍ على مغليه بالدنيا قسا
وش خانة الحب البعيد إن كان عشاقه يموت
يخيل براقه وهو ما ذاق طعمه واحتسى
ياحلم الايام الشداد ياحلم الايام الليان
ابطيت اقول الله كريم والكلمه عسى
من عقب وحشة ليلتي هلت تباشير الصباح
عادت وليفة هاجسي عادت مزعلة النسا