حظوظ وتوافيق - سلطان الهاجري
في الامير (راشد بن عبدالعزيز بن سعود)
ياراشد الدنيا حظوظ وتوافيق
والعبد ماله غير ما الله قسم له
حقك علينا لاطرقنا الطواريق
اصعب طواريق الشعر نحتزم له
نرضي مخاليقٍ ونزعل مخاليق
ولاننوخها على بيت نمله
اهم شي طويق وبناخي طويق
اثنين يفداهم من الناس جمله
الفوز برضى هالثنتين المطاليق
يسوى من العملات عمله وعمله
والا ان بيبان الضماير مغاليق
ولا كل وجهٍ يبتسم نبتسم له
وانا معاهد والعهد له مواثيق
اني لا احفظ له الوفا والتزم له
ياكثر مافرج عليه من الضيق
مواقفه بس حزة الضيق جمله
مناكبه للحمل فيها معاليق
يوم ان غيره ياالله يشيل حمله